【輕輕鬆鬆學英文】

學英文可能對好多人都好難，尤其係喺唔同嘅文化同埋缺乏語言環境之下，學英文就難上加難，但其實亦都有啲方法可以輕輕鬆鬆咁樣去學英文喎~👌🏻😁

我細女細細個嘅時候，其實我同老公都喺工作上比較忙，唔係話太多時間去教佢，但係我哋會買好多英文嘅卡通片同埋電視節目畀佢睇，唔知點解，佢又好自然咁樣學識好多英文生字，亦都被同期嘅小朋友嘅英文水平較高。💪🏻💪🏻💪🏻

我試過同一個5️⃣歲嘅小朋友面試，呢個小朋友無論係口音，同埋詞匯，都比任何一個我認識嘅小朋友高，佢父母都係中國人，英文水平偏低，但係佢係由細細個開始已經睇英文電視節目。🤔

睇英文電視節目比書本上有好多優勝嘅地方，第1️⃣，你可以學到嘅並唔係書本上嘅英文，唔係溝通嘅實用英文。第2️⃣，你能夠聽到人哋「點樣講」，除咗對口音有幫助之外，最緊要係「語調」，同樣的字眼可以用唔同嘅語調去表達，得出嚟嘅效果亦都唔同。第3️⃣，其中一樣學英文最重要嘅元素係「景況」，例如故事嘅背景，人與人之間關係，文化，幽默，身體語言，俚語等等，呢啲都唔係喺書本上咁容易學得到嘅嘢。💡

有好多時候小朋友喺書本上學到嘅英文未必係實際現實嘅情況用得到，佢哋練習唔到書本上嘅英文係正常嘅~但係好多小朋友都會睇英文卡通片同埋節目，唔代表佢英文一定好，所以喺下一篇文章，我會同大家分享一下睇英文電影學英文嘅方式及技巧。😊👍🏻