【電子遊戲=差?】🙅🏻‍♀️❓

【電子遊戲=差?】🙅🏻‍♀️

喺以前嘅文章我曾經分享過電子遊戲對小朋友嘅影響,例如睡眠質素,腦部發育,專注力,社交能力等等。但係其實電子遊戲係咪真係咁差呢?🤔

 

有實驗證明,玩一啲快節奏動作嘅電子遊戲可以提高玩家喺視覺空間能力嘅 IQ 測試得分,唔單止咁,電子遊戲📲中可以提高工作記憶能力,邏輯性思維同埋解決問題嘅能力。除此之外,好多對閱讀同寫作興趣不大嘅小朋友能夠透過網上基於文字交流嘅電子遊戲中學習到高級嘅讀寫技巧。🔤

 

就好似我個仔咁,佢好鍾意玩一個網上嘅遊戲,但係因為佢啲英文唔係咁好,所以好主動咁樣去學習佢唔明白嘅生字,而且佢仲對遊戲裏面嘅故事有濃厚嘅興趣,開始自動自覺睇一啲同該遊戲故事有關嘅小說,細細個成日同佢講,「書中自有黃金屋」🏦,到頭來係個遊戲令到佢養成咗閱讀嘅習慣。📖小朋友嘅腦袋🧠係一張白紙🗒,佢哋接觸嘅所有嘢其實都係一種工具。作為小朋友嘅父母,我要教小朋友點樣去適當地利用工具去幫助自己,如果我哋經常禁止小朋友玩電子遊戲,其實只係會增加佢哋電子遊戲的渴求,造成反效果。當小朋友細細個仲細嘅時候,佢哋可能已經好鍾意玩電子遊戲🎮,但係佢哋總會有時候係會想同爸爸媽媽一齊玩,但係當佢哋抬起頭見到爸爸媽媽都係耷低頭望住自己部電話嘅時候📲,自然就會有樣學樣。如果唔想小朋友嘅娛樂淨係得打機嘅話,不如試下自己都放低部電話,全神貫注咁同小朋友傾計或者玩啦~😊👍🏻

暫時沒有評論

留下評論