【面對恐懼】😨

上篇文章就講到我去咗鳴沙山嘅月牙泉騎駱駝,雖然好驚,但係我最終亦都選擇咗嘗試同面對,呢個經歷令我非常之難忘,亦都非常之有成功感。💪🏻😁

 

我曾經都會好驚,伯樂爸爸教我哋嘅仔女嘅方式都係希望佢哋勇於嘗試,勇於冒險 , 但係去完呢次旅行之後又 又覺得其實都係一件好事 。👍🏻


恐懼嘅經歷係涉及神經系統嘅刺激。如果你嘅神經系統冇被刺激,你係唔會感覺到恐懼嘅~當你反覆接觸同樣嘅事情,你嘅神經系統受到嘅刺激就會越減越少,亦即係話,熟悉嘅事情變得越嚟越無聊,所以人類係需要經常追求新鮮嘅事物。亦都係因為呢個原因,當我哋選擇面對恐懼,我哋能夠適應同習慣,所謂嘅恐懼就會變得好似常事一樣。💡

 

喺人生路上我哋經常都會遇到一啲我哋唔夠膽去面對或者去嘗試嘅事情。例如創辦自己嘅生意,要求老細加人工,同心儀嘅女仔交談等等。而導致我哋唔去嘗試,總係有數不盡嘅理由「我冇時間」,「我唔夠聰明」,「我唔夠…」等等。🤨

 

我發現好多時候,好多人未嘗試就已經打沉咗自己條船,佢哋好習慣打擊自己,當習慣變成自然,就會潛意識地幫自己不斷搵理由同藉口。😥

 

可能喺深層裏面,你好怕畀人拒絕,你好怕會失敗,你好怕喺你想像之中,夢寐以求,最理想嘅狀態,會抵受唔住現實嘅踐踏。但係其實你畀你自己想像之中更加堅強!只要你畀啲自信,畀啲勇氣,我哋嘅神經系統係設計嚟專係畀你去應付恐懼同面對困難。🧠👍🏻

 

「每一個理由同埋藉口嘅面具之下,其實只係一個唔夠膽面對恐懼嘅自己。」😊👍🏻

暫時沒有評論

留下評論